المركز الأكاديميّ ليفהמרכז האקדמי לב

1البوّابات — نفسها لكلّ التخصّصات

• 79 علامة الملاءمة ציון התאמה رقم واحد بيجمع البجروت مع البسيخومتري (أو التيل). نفس العتبة بكلّ التخصّصات، والمعادلة تحت. وبين 79 و80 بتنقبل بوضع مشروط.
• 95 العبريّة — ياعيلنت هاي علامة البدء مش علامة الإعفاء: من 95 لـ109 بتنقبل بشرط تنجح بأولبان سنويّ، والإعفاء الكامل بـ110.
• 3 وحدات التناخ بالبجروت תנ״ך شرط بيتكرّر بجدول كلّ تخصّص. خرّيجو المحضّرة تبع ليف معفيّين منّه — وهاد الطريق الوحيد اللي لقيناه بيلتفّ عنه.

وفوق هيك، كلّ تخصّص إله عتبة بسيخومتري أو تيل خاصّة فيه — بين 540 و600 — وهي شرط منفصل عن الـ79: لازم تعبر الاثنين مع بعض. أمّا الإنجليزي فما لقينا إله عتبة قبول موحّدة بالمعهد: علامتك بتصنّفك لمستوى وبتحدّد كم كورس إنجليزي بدّك تاخد، والإعفاء بـ134 بمركّب الإنجليزي بالبسيخومتري.

2العبريّة — ياعيلنت أو امتحان ليف الداخليّ

ليف بيعترف بامتحانين متساويين: ياعيلنت تبع المركز القطريّ، وامتحان معرفة العبريّة الداخليّ تبعهم תיל ידע בעברית — وهاد غير عن امتحان التيل اللي بيقوم مقام البسيخومتري، بس الاسم متشابه. السلّم واحد، بس بعلامات مختلفة لكلّ امتحان.

• 110+إعفاء كامل — وبالامتحان الداخليّ 130+
• 95–109قبول مشروط بنجاح أولبان سنويّ — وبالداخليّ 115–129
• تحت 95ما في قبول — وبالداخليّ تحت 115

قواعد الامتحان

• بين محاولة وتانية بالياعيلنت لازم 35 يوم
• بالامتحان الداخليّ الانتظار شهر، وبلا سقف لعدد المحاولات
• ما بتقدر تتقدّم للامتحان ولا تغيّر مستواك بعد ما التعليم يبلّش — لازم يكون كلّ شي خالص قبل

بدّه تأكيد — الصفحة اللي فيها هالسلّم موجّهة لأصحاب الشهادات من برّا البلاد، وما لقينا صفحة عامّة بتقول بالضبط مين ملزم بالامتحان إذا بجروتك مش بالعبري، افترض إنّك ملزم واسأل مكتب التسجيل. دورة ياعيلنت عنّا بتشتغل عَ الفرق بين الـ95 والـ110 بالضبط — لأنّه هاد الفرق بين سنة أولى معها أولبان وسنة أولى بدونه.

3علامة الملاءمة ציון התאמה — كيف بيحسبوها

هاي المعادلة اللي بتقرّر، مش البسيخومتري لحاله ولا البجروت لحالها. بصفحات المؤسّسة بتلاقيها مكتوبة ציון התאמה.

انتبه للأوزان: نقطة وحدة بمعدّل البجروت بتساوي نحو 17.5 نقطة بسيخومتري بهالمعادلة. يعني إذا معدّلك عالي، بسيخومتري متوسّط بيمرّق؛ وإذا معدّلك واطي، رفع البسيخومتري لحاله بدّه شغل كتير. بدّه تأكيد — ليف ما بينشر كيف بيحسب «معدّل البجروت المحسّن» بالضبط: بونوسات الـ5 وحدات ومضاعفة وزن الرياضيّات ما لقيناهنّ بصفحات الدليل

4إذا البسيخومتري مش طريقك

• تيلامتحان داخليّ تبع ليف תיל، بديل كامل عن البسيخومتري بكلّ التخصّصات إلّا التمريض: نحو 4–4.5 ساعات، لحدّ مرّتين بفارق 3 شهور، وصلاحيّته 3 سنين. اللي بياخد تيل لازم يقدّم علامة تصنيف إنجليزي لحالها
• محضّرةمسار قصير نحو 3 شهور (رياضيّات وإنجليزي، بلا معرفة سابقة)، ومحضّرة مخصّصة للهندسة وعلوم الحاسوب نحو 9 شهور (مع فيزياء). الدخول إلها بيتطلّب علامة تيل أو بسيخومتري ومقابلة — وخرّيجها معفي من شرط التناخ
• هندسايمدبلم بيكمّل للقب: بكلّيّة الهندسة معدّل دبلومة 80+ (85+ للحاسوب)، ورياضيّات 4 وحدات بعلامة 75+، وتصنيف إنجليزي — وبتخصّصات معيّنة كمان بسيخومتري أو تيل 600+ ومقابلة. بكلّيّة الإدارة: معدّل 75+ ورياضيّات 3 وحدات 85+ أو 4 وحدات 70+

وما لقينا بصفحات الدليل أيّ ذكر لـSAT أو ACT، ولا لمسار «نتيف لأكاديميا». إذا هدول طريقك، اسأل عنهنّ مباشرة قبل ما تبني عليهنّ.

5التخصّصات

عتبة البسيخومتري بتفرق بين التخصّصات: 540 للتمريض، 550 لعلوم الحاسوب وهندسة الصناعة والمحاسبة وإدارة الأعمال، و600 للبرمجيات وهندسة الكهرباء. والتمريض هو الوحيد اللي ما بيقبل التيل بديل عن البسيخومتري — إذا هو هدفك، خطّط للبسيخومتري من البداية. وكلّ التخصّصات بتطلب مقابلة شخصيّة.