الجامعة المفتوحةהאוניברסיטה הפתוחה

1البوّابات — ما في

• ما في البسيخومتري مش مطلوب أبدًا، ولا كعلامة إضافيّة. حرفيًّا ما بينذكر بصفحات القبول.
• ما في معدّل البجروت ولا استحقاق شهادة بجروت. بتقدر تسجّل وأنت لسّا طالب ثانويّة.
• ما في العبريّة — ياعيلنت ما لقينا أيّ شرط عبريّة للتسجيل. في خدمات مرافقة أكاديميّة لطلّاب عرب، بس هاي مساعدة مش بوّابة.

الإنجليزي كمان مش بوّابة قبول: بتعمل امتحان تصنيف بعد ما تسجّل، وهو بيحدّد من وين تبلّش كورسات الإنجليزي — ولازم توصل لمستوى בסיסי لحدّ 48 نقطة، وللإعفاء פטור قبل ما تخلّص اللقب.

2وين الصرامة إذًا

الباب مفتوح، بس اللقب مش أسهل. مين ما بيفهم هالفرق بينصدم بالسنة الأولى.

• 160نقطة معتمدة للقب هندسة البرمجيات — أكبر من المعتاد بألقاب تانية
• كورس كورسبتسجّل لكلّ كورس لحاله وبتبلّش بأيّ فصل — بس كلّ كورس إله كورسات كدم (شروط سابقة) لازم تكون خلّصتها
• وحدكالتعليم عن بُعد بشكل أساسيّ مع لقاءات بمجموعات صغيرة — بدّه انضباط ذاتيّ أكتر من أيّ إطار تاني
• الرياضيّات35 نقطة رياضيّات إلزاميّة جوّات اللقب (تفاضل وتكامل، جبر خطّي، احتمالات) — ما بتنطلب عالباب بس بتنطلب جوّا

3الاستعمال الذكيّ — جسر لجامعة تانية

كتير طلّاب ما بيخلّصوا لقبهم بالمفتوحة أصلًا: بيستعملوها كطريق دخول لجامعة كانت مسكّرة بوجّههم.

• لحيفاإكمال كورسات محدّدة بمعدّل 80+ بيفتح انتقال لجامعة حيفا — تفاصيل حيفا
• لمؤسّسات تانيةمسارات انتقال مشابهة موجودة بمؤسّسات غيرها (مثلًا مكون ليف بتخصّصات مختارة) — بتختلف الشروط من محلّ لمحلّ
• اعتراف بالسابقعندك كورسات أكاديميّة من قبل أو لقب؟ في مسار اعتراف وإعفاءات

يعني: العلامة البسيخومتريّة اللي ما فتحت الباب اليوم، ممكن معدّل الكورسات يفتحه بعد سنة. بس انتبه — كلّ مؤسّسة بتحطّ شروط انتقال خاصّة فيها، ولازم تتأكّد منها قبل ما تختار كورساتك.

4التخصّصات