جامعة رايخمانאוניברסיטת רייכמן

1البوّابات — نفسها لكلّ التخصّصات

• 105 العبريّة — ياعيلنت لمين ما كانت كلّ امتحانات بجروته بالعبري، أو حامل شهادة ثانويّة من برّا البلاد. تحتها ما في تقديم أصلًا — وما في سلّم كورسات عبريّة منشور، الموضوع إمّا إعفاء وإمّا العلامة.
• بلا عتبة الإنجليزي — عند القبول حتّى أوطى مستوى بينقبل، بس بيفرض عليك أكتر كورسات. الإلزام إنّك توصل للإعفاء (134) لآخر السنة التانية باللقب التلات سنين، وآخر التالتة باللقب الأربع سنين.
• أهليّة بجروت بكلّ المسارات حتّى بمسار «البسيخومتري لحاله» — الجدول الرسميّ بيكتبها صراحةً: חובה זכאות לבגרות. الاستثناءات: أصحاب لقب أوّل، ومسار الـ30 فما فوق.

شرط الرياضيّات مختلف من مدرسة لمدرسة، وهو ما بيمنع القبول — بيفرض كورس تحضيريّ صيفيّ. بالاقتصاد والاستدامة: 4 وحدات فوق 85 أو 5 فوق 65. بالحقوق وإدارة الأعمال والريادة: 4 فوق 80 أو 5 فوق 65. بعلوم الحاسوب: 5 وحدات فوق 75. بدّه تأكيد — أرقام الرياضيّات هاي مأخوذة من تقنون التسجيل لسنة תשפ״ו، يعني دورة قبل الحاليّة

2العبريّة — مين لازم يقدّم ياعيلنت

رايخمان ما بتعرض سلّم بندات زي باقي المؤسّسات. عندها الموضوع ثنائيّ: يا بتنطبق عليك حالة إعفاء، يا لازم 105 بالامتحان حتّى يفكّروا بملفّك أصلًا. الامتحان بديره المركز القطريّ واسمه اليوم יעלנט، والعلامة صالحة 10 سنين.

• 105–150بتقدر تقدّم — وما في كورسات عبريّة إلزاميّة منشورة عَ سلّم
• تحت 105ما في تقديم للقب، إلّا إذا بتنطبق عليك حالة إعفاء من تحت
• 134الطبّ لحاله — إعفاء كامل. وبين 104–133 بينقبل ملفّك بس مع مقابلة إضافيّة بالعبريّة

مين معفي من الامتحان أصلًا

• اللي خلّص خدمة عسكريّة كاملة ومعه شهادة إنهاء
• اللي كلّ أوراق بجروته وأجوبته كانت بالعبري — غير امتحانات اللغات الأجنبيّة
• اللي قدّم البسيخومتري بالعبري وجاب 450+ بالعلامة متعدّدة المجالات
• خرّيجو لقب من مؤسّسة معترف فيها كانت لغة التدريس فيها عبريّة
• اللي خلّص أولبان عبريّة لمستوى الإعفاء ببار إيلان أو التخنيون أو الجامعة العبريّة، مع وثيقة

الـ105 هي نفس عتبة الجامعات الكبرى — بن غوريون، والعبريّة، وتل أبيب، وبار إيلان. شوف السلّم كامل ← · دورة ياعيلنت عنّا مبنيّة عَ هالعلامة بالضبط.

3التلات مسارات — وليش ما بتقدر تحسب المتئام

كلّ صفّ بجدول العتبات الرسميّ إله تلات خانات: متئام، بجروت، بسيخومتري. بتدخل من أيّ وحدة فيهنّ — بس بتنتبه إنّه المتئام مش سيخم بتقدر تحسبه لحالك زي التخنيون.

• المتئام מתואםعلامة رايخمان الداخليّة اللي بتدمج البجروت والبسيخومتري. المعادلة مش منشورة، والجامعة بتكتب صراحةً إنّها ممكن تتغيّر من سنة لسنة — العتبات بتخصّصاتنا بين 600 و705
• معدّل البجروتمعدّل موزون مع بونوسات، وعادةً بيعدّي 100 — العتبات بتخصّصاتنا بين 89 و108
• البسيخومتريلحاله، بس مع أهليّة بجروت إلزاميّة — العتبات بتخصّصاتنا بين 600 و720

ملاحظتين بتوفّروا وقت: (١) بكذا تخصّص مسار المتئام نفسه إله أرضيّة بسيخومتري مخفيّة — بالحقوق 610، وبعلوم الحاسوب 660. (٢) بالمحاسبة لحالها عتبة البسيخومتري (630) أوطى من عتبة المتئام (640) — عكس كلّ باقي الصفوف، فما تفترض إنّه المتئام دايمًا الباب الأسهل.

4التخصّصات — وين وصلنا

تلات ملاحظات عَ الجدول: الطبّ بيشتغل بمنظومة لحاله — لأصحاب لقب أوّل بمعدّل 80+، بلا بجروت وبلا بسيخومتري، مع امتحان معرفة ويوم تقييم فيه مقابلات ومحاكاة (منحضّرلك للمقابلات)، وبوّابته العبريّة 134 مش 105. علوم الحاسوب أعلى عتبة بالجامعة، ومسار «الريادة» جوّاته بدّه استمارة خاصّة وسيرة ذاتيّة وتوصيتين — والأرقام هناك عتبات وصول للجنة قبول، مش قبول فوريّ. والذكاء الاصطناعيّ لقب جديد من مدرسة إفي أرازي، ولسّا ما إله صفّ بجدول العتبات.