شعري مدع ومشباطהמרכז האקדמי שערי מדע ומשפט

1البوّابات — أرقام تخصّصات، مش قواعد مؤسّسة

ما لقينا صفحة وحدة بتجمع شروط القبول لكلّ التخصّصات. اللي تحت مأخوذ من صفحات التخصّصات وحدة وحدة — بس هالتلاتة بيتكرّروا حرفيًّا بكلّ صفحة فحصناها، فبتقدر تتعامل معهنّ كأرضيّة.

• 85 معدّل البجروت الموزون هاد الرقم اللي بيتكرّر أكتر شي — بالحقوق وإدارة الأعمال. المحاسبة 90، وإدارة الأنظمة الصحّيّة 80 — الجدول تحت.
• 85 الإنجليزي علامة بامتحان אמיר״ם تبع المركز القطريّ، ولازم تقدّمه قبل ما التعليم يبلّش. وبالمحاسبة وإدارة الأعمال مكتوب صراحةً إنّه بين 55 و84 بتنقبل بس بتاخد محضّرة إنجليزي.
• 100 العبريّة — ياعيلنت لمين قدّم امتحانات بجروته بلغة غير العبريّة. وبالمحاسبة وإدارة الأعمال في تدريج: 80–99 بتنقبل بشرط تكمّل كورس تعبير بالعبريّة.

التمريض هو التخصّص الوحيد من الخمسة اللي بيطلب بسيخومتري — 520 — ومعه شرط بجروت 85 وإنجليزي 4 وحدات. (بالمركز في كمان تخصّص تصوير طبّيّ بيطلب بسيخومتري، بس هو مش بمكتبتنا.)

2العبريّة — والفرق بين 100 و80

• 100+بتستوفي شرط العبريّة — هاد الرقم اللي بينذكر بكلّ صفحة فحصناها
• 80–99بتنقبل، بس بتكمّل كورس تعبير بالعبريّة — منصوص عليه بصفحتَي المحاسبة وإدارة الأعمال
• مين ملزماللي قدّم امتحانات البجروت بلغة غير العبريّة

الفرق بين الرقمين مش شكليّ: عالـ100 بتبلّش سنتك بلا حمل إضافيّ، وتحتها بتحمل كورس فوق برنامجك. و80 هي أرضيّة القبول المشروط بالتخصّصين اللي نشروا التدريج — باقي التخصّصات ما نشرت تدريج أصلًا. دورة ياعيلنت عنّا مبنيّة عَ هالعتبات بالضبط.

3التخصّصات

المحاسبة إلها طريقين منفصلين: معدّل بجروت 90، أو بجروت كاملة مع رياضيّات عالية — 82 بـ3 وحدات، أو 70 بـ4، أو علامة نجاح بـ5 — وهون ما في شرط معدّل 90 أصلًا. وفي كمان مسار «طالب مش نظاميّ»: معدّل بجروت 75–89، أو فوق سنّ 30، أو دبلومة هندساي بمعدّل 80 — بتنقبل مشروط وبتصير نظاميّ إذا خلّصت أوّل فصلين بمعدّل 70. ولمين ما بيستوفي الشروط في محضّرة تبع المركز نحو 4 شهور. بدّه تأكيد — صفحة التمريض بتذكر بالأسئلة والأجوبة مقابلة شخصيّة و«شكلول» بين البجروت والبسيخومتري، بلا ما تنشر أوزان ولا تفاصيل