كلّيّة صفدהמכללה האקדמית צפת

1البوّابات

• 90–110 العبريّة — ياعيلنت יעלנט ما في رقم موحّد للمؤسّسة: 110 بالتمريض والعمل الاجتماعيّ والحقوق والعلاج الطبيعيّ، 100 بالعلوم السلوكيّة والعلاج الوظيفيّ، و90 كعتبة عامّة بصفحة نظم المعلومات.
• 85 الإنجليزي — أميرنت אמירנט بامتحان الأميرنت (بتلاقيه مكتوب אמי״ר أو אמיר״ם بصفحات الكلّيّة) أو بمركّب الإنجليزي بالبسيخومتري. وبالعلاج الطبيعيّ والوظيفيّ العتبة أعلى: 100.
• بلا بسيخومتري بكذا لقب الحقوق ونظم المعلومات والعمل الاجتماعيّ: معدّل بجروت 92 وبس — مكتوب حرفيًّا «البسيخومتري غير مطلوب». وبالمقابل التمريض والعلاج الطبيعيّ بيفرضوا بسيخومتري عَ كلّ الأعمار.

وكمان: مقابلة شخصيّة بمعظم الأقسام — بالحقوق والعمل الاجتماعيّ إلزاميّة لكلّ المرشّحين، وبالعلاج الوظيفيّ بتقعد قدّام لجنة من اثنين ووزنها كبير. وإذا ما بتوصل للشروط في مسار «حريجيم» (استثناءات) بقائمة انتظار؛ الكلّيّة نفسها بتنصح تسأل مركز التوجيه قبل ما تقدّم فيه.

2العبريّة — البوّابة اللي ما إلها بديل بصفد

مين لازم يقدّم: اللي قدّم البسيخومتري بلغة غير العبريّة. هيك مكتوب بصفحات الأقسام. وخلّيك منتبه للمنطق هون: بمؤسّسة بتقبل بلا بسيخومتري، ما في علامة تانية بتعوّض عن الياعيلنت — لا معدّل بجروت عالي ولا مقابلة قويّة.

• 110التمريض · العمل الاجتماعيّ · الحقوق · العلاج الطبيعيّ
• 100العلوم السلوكيّة · العلاج الوظيفيّ
• 90العتبة العامّة اللي بتذكرها صفحة نظم المعلومات — لمن لغة التدريس بآخر مؤسّسة تعلّم فيها مش عبريّة
• قبول مشروطبالعمل الاجتماعيّ: بتقدر تنقبل بـ90 وأنت بمحضّرة العبريّة، عَ شرط تكمّل
• إعفاءمن كورس العبريّة جوّا الدراسة: خرّيجو محضّرة الكلّيّة، واللي خلّص سنة بمؤسّسة تانية، والهندسائيّون

بدّه تأكيد صفحة نظم المعلومات لحالها بتذكر رقمين مختلفين — 90 كعتبة عامّة و110 جنب مسار البجروت — وما بتوضّح إذا هاد تدرّج أو تكرار صياغة. دورة ياعيلنت عنّا مبنيّة عَ هالعلامات بالضبط.

3معدّل البجروت والسيخم — كيف بتنحسب علامتك

بما إنّه معدّل البجروت هو الباب الرئيسيّ بصفد، بستاهل تعرف كيف بينحسب. الكلّيّة نفسها بتنشر الشرح: كلّ موضوع بينضرب بعدد وحداته، بتجمع الكلّ، وبتقسم على مجموع الوحدات — وبعدها بتنضاف البونوسات للمواضيع الموسّعة اللي علامتها فوق 60.

• +35رياضيّات 5 وحدات — أكبر بونوس بالجدول
• +25إنجليزي 5 وحدات · و+12.5 بـ4 وحدات
• +12.5رياضيّات 4 وحدات
• +20مواضيع علميّة وإنسانيّة موسّعة بـ5 وحدات (فيزياء، كيمياء، بيولوجيا، أدب، تاريخ، تناخ) · و+10 بـ4 وحدات

وبأقسام الصحّة في علامة مركّبة اسمها סכ״ם — سيخم — بتدمج معدّل البجروت مع البسيخومتري: 520 بالتمريض، و600 بالعلاج الطبيعيّ والوظيفيّ. وانتبه لمصيدة بالتمريض: مش كافي توصل للسيخم — لازم كمان كلّ مركّب لحاله يمرق العتبة (بجروت 85 وبسيخومتري 520)، يعني ما في تعويض كامل لواحد بالتاني. بدّه تأكيد صفحات الأقسام ما بتوضّح إذا المعدّل المطلوب (92 مثلًا) محسوب مع البونوسات أو بدونها.

4التخصّصات — العتبة لكلّ واحد

وفي جسر داخليّ يستاهل تعرفه: اللي بيخلّص سنة أولى بالعلوم السلوكيّة بصفد بمعدّل 90 فما فوق بيقدر يقدّم للعمل الاجتماعيّ بلا بسيخومتري وبلا ياعيلنت. وشهادة الهندسائيّ بتقوم مقام شهادة البجروت بالتمريض ونظم المعلومات.